​ആദർശം ബലി കഴിച്ചവർ

വ്യതിയാനാരോപണത്തിന്റെ നീണ്ട പതിനാലു വർഷങ്ങൾ !! ആരോപണ-പ്രത്യാരോപണങ്ങൾ. അക്കമിട്ടു നിരത്തി വിശതീകരിച്ച ആദർശ വ്യതിയാനത്തിന്റെ മുടിനാരിഴ കീറിയ ചർച്ചകൾ. ഹദീസ് നിഷേധത്തിന്റെ അറ്റം കാണാക്കയങ്ങൾ!! അനുദിനം വർദ്ധിച്ചു വന്ന അകൽച്ചയുടെ അഗാധ ഗർത്തങ്ങൾ. അവസാനം; എല്ലാം മറന്ന് അവർ ഒന്നാകാൻ പോകുന്നു. ഇത് വരെ ഉണ്ടെന്നും ഉയർത്തിപ്പിടിക്കുന്നുവെന്നും അവകാശപ്പെട്ട ആദർശവും അവർ മറന്നിരിക്കുന്നു. അണികൾ തെല്ലൊരതിശയത്തോടെ, അതിലധികം ഉൽഘണ്ഠയോടെ അറച്ചു നിൽക്കുന്നു ! ഇത്രേ ഉള്ളൂവെങ്കിൽ പിന്നെ എന്തിനായിരുന്നു ഇതെല്ലാം? ഔദ്യോഗിക വിഭാഗം മുജാഹിദുകളിലെ സാധാരണക്കാർ സ്വകാര്യമായി അവരുടെ നോവുകൾ പങ്കു വെക്കുന്നു. ഒരു കൊടുങ്കാറ്റിന് മുമ്പുള്ള ശാന്തത അവർക്കിടയിൽ തളം കെട്ടി നിൽക്കുന്നു. ചുരുക്കത്തിൽ; ഒരു " പീസ് " മതി, ഒരു സംഘടന മൊത്തം പണയം വെക്കാൻ. ആദർശ വ്യതിയാനവും ഹദീസ് നിഷേധവും ആവിയായിപ്പോകാൻ; ഒരു ആദർശപ്രസ്ഥാനത്തെ ഹൈജാക്ക് ചെയ്യാൻ!